ITI Admission 2026

आयटीआय विद्यार्थ्यांना आता व्यवसाय कौशल्यासोबत वाहन चालविण्याचेही प्रशिक्षण मिळणार! राज्यातील तब्बल १६५ शासकीय आयटीआयमध्ये ‘वाहन चालक प्रशिक्षण शाळा’ सुरू करण्यात येणार असून, ‘मेकॅनिक मोटार व्हेइकल’ ट्रेड असलेल्या आयटीआयमध्ये हा उपक्रम राबविला जाणार आहे. त्यामुळे विद्यार्थ्यांना औद्योगिक प्रशिक्षणासोबतच वाहन चालविण्याचे व्यावहारिक कौशल्यही आत्मसात करता येणार असून, रोजगाराच्या संधींच्या दृष्टीने हा उपक्रम महत्त्वाचा ठरणार आहे.

आयटीआयमध्येच ड्रायव्हिंगचे धडे; रोजगाराच्या संधींसोबत खासगी स्कूलचालकांचा विरोध! तरुणांना वाहन चालविण्याचे कौशल्य देऊन रोजगार आणि करिअरच्या नव्या संधी उपलब्ध करून देण्याच्या उद्देशाने शासनाने आयटीआयमध्येच मोटार ड्रायव्हिंग प्रशिक्षण सुरू करण्याचा निर्णय घेतला आहे. मात्र, या निर्णयामुळे व्यवसायावर परिणाम होणार असल्याचे सांगत खासगी ड्रायव्हिंग स्कूल संचालकांनी विरोधाची भूमिका घेतली आहे.

सध्या वाहन चालविण्याचे प्रशिक्षण घेण्यासाठी खासगी ड्रायव्हिंग स्कूलवरच अवलंबून राहावे लागते आणि प्रत्येक स्कूलचे प्रशिक्षण शुल्कही वेगवेगळे आहे. ही बाब लक्षात घेऊन शासनाने आयटीआयमध्येच वाहन चालविण्याचे प्रशिक्षण उपलब्ध करून देण्याचा निर्णय घेतला आहे. सुमारे तीन महिन्यांच्या या प्रशिक्षणासाठी कोणालाही प्रवेश घेता येणार असून, त्यासाठी आयटीआयमध्ये नवी मोटार, सिम्युलेटर, तज्ज्ञ प्रशिक्षक आदी सुविधा उपलब्ध करून देण्यात येत आहेत.

आयटीआयमध्ये गाडी शिका

आता आयटीआयमध्येच मिळणार वाहन चालविण्याचे शास्त्रशुद्ध प्रशिक्षण! या अभ्यासक्रमाच्या माध्यमातून कोणत्याही व्यक्तीला तज्ज्ञ प्रशिक्षकांच्या मार्गदर्शनाखाली शास्त्रशुद्ध पद्धतीने वाहन चालविण्याचे कौशल्य आत्मसात करता येणार आहे. जिल्ह्यातील आयटीआयमध्येच हे प्रशिक्षण उपलब्ध करून देण्यात येणार असल्याने वाहन चालविणे शिकू इच्छिणाऱ्यांसाठी हा नवा पर्याय ठरणार आहे.

मेकॅनिकच्या हातात आता “स्टिअरिंग”!

‘मेकॅनिक मोटार व्हेइकल’च्या विद्यार्थ्यांना आता इंजिन दुरुस्तीसोबत वाहन चालविण्याचेही धडे! इंजिनची रचना, दुरुस्ती आणि देखभालीचे तांत्रिक प्रशिक्षण घेणाऱ्या विद्यार्थ्यांना आता प्रत्यक्ष वाहन चालविण्याचे प्रशिक्षणही मिळणार आहे. त्यामुळे दुरुस्तीचे कौशल्य आणि ड्रायव्हिंगचे प्रात्यक्षिक ज्ञान असा दुहेरी कौशल्यविकास विद्यार्थ्यांना साधता येणार आहे.

प्रशिक्षणार्थीनाही मिळणार नवा पर्याय

आयटीआयमध्ये ड्रायव्हिंग प्रशिक्षणाचा मार्ग मोकळा; शुल्क व प्रवेशाची रूपरेषा लवकरच स्पष्ट होणार! शासकीय स्तरावर वाहन चालविण्याचे प्रशिक्षण उपलब्ध झाल्याने पात्र प्रशिक्षणार्थींना त्याचा मोठा फायदा होण्याची शक्यता आहे. मात्र, या प्रशिक्षणाचे शुल्क, कालावधी, एका बॅचची क्षमता तसेच आयटीआयच्या विद्यार्थ्यांव्यतिरिक्त इतरांना प्रवेश दिला जाणार की नाही, याबाबतची सविस्तर कार्यपद्धती निश्चित झाल्यानंतरच संपूर्ण चित्र स्पष्ट होणार आहे.

रोजगाराच्याही संधी

कौशल्यासोबत स्वावलंबनाचीही नवी वाट; आयटीआयच्या विद्यार्थ्यांना रोजगाराच्या संधींची जोड! या अभ्यासक्रमामुळे विद्यार्थ्यांना व्यावसायिक कौशल्यासोबतच वाहन चालविण्याचे कौशल्य आत्मसात करता येणार आहे. वाहन चालविण्याचे प्रशिक्षण मिळाल्याने त्यांच्यासाठी रोजगाराच्या नव्या संधी खुल्या होऊन ते अधिक आत्मनिर्भर व स्वावलंबी होण्यास मदत होणार आहे.

ITI Admissions – जिल्ह्यातील शासकीय औद्योगिक प्रशिक्षण संस्थांमधील (आयटीआय) विविध व्यवसायांच्या रिक्त जागांवर आता संस्थास्तरीय प्रवेश प्रक्रियेला सुरुवात झाली आहे. ऑनलाइन प्रवेशाच्या चार फेऱ्या पूर्ण झाल्यानंतरही काही जागा रिक्त राहिल्याने, पूर्वनोंदणी करूनही अद्याप प्रवेश न मिळालेल्या पात्र उमेदवारांना आयटीआयमध्ये प्रवेश मिळविण्याची अंतिम संधी उपलब्ध झाली आहे.या संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

संस्थांमध्ये उपलब्ध रिक्त जागांची माहिती घेऊन उमेदवारांनी आपल्या पात्रतेनुसार संबंधित व्यवसायाची निवड करून मुदतीपूर्वी प्रवेश प्रक्रिया पूर्ण करावी, असे आवाहन करण्यात आले आहे. पूर्वनोंदणी केलेल्या पात्र उमेदवारांना संस्थास्तरीय प्रवेश प्रक्रियेत सहभागी होऊन रिक्त जागांवर प्रवेश घेता येणार असल्याने, इच्छुक उमेदवारांनी संबंधित आयटीआयशी तातडीने संपर्क साधावा.

जिल्ह्यातील आयटीआयमध्ये २ हजार ७१६ प्रवेश क्षमता

जिल्ह्यातील औद्योगिक प्रशिक्षण संस्थांमध्ये (आयटीआय) प्रवेशासाठी विद्यार्थ्यांचा वाढता प्रतिसाद पाहायला मिळत असून, पहिल्या चार फेऱ्यांमध्येच मोठ्या प्रमाणावर जागांवर प्रवेश निश्चित झाले आहेत. जिल्ह्यातील एकूण १७ शासकीय व खासगी आयटीआयमध्ये उपलब्ध असलेल्या २,७१६ प्रवेश क्षमतेपैकी २,५०६ जागांवर विद्यार्थ्यांनी प्रवेश निश्चित केला आहे. मात्र, काही जागा अद्याप रिक्त असल्याने त्या भरण्यासाठी आता अंतिम संस्थास्तरीय प्रवेश फेरी राबविण्यात येत आहे. आयटीआय प्रशिक्षणाकडे विद्यार्थ्यांचा वाढता कल लक्षात घेता, रिक्त जागांची संख्या तुलनेने कमी असून इच्छुक पात्र उमेदवारांसाठी ही प्रवेशाची महत्त्वाची संधी ठरणार आहे.

२४ ऑगस्टपर्यंत संस्थास्तरीय प्रवेश

प्रवेश प्रक्रियेसाठी पात्र उमेदवारांना २४ ऑगस्टपर्यंत संबंधित आयटीआयमध्ये थेट अर्ज करता येणार आहे. प्राप्त अर्जाची गुणवत्ता यादी संस्थेच्या फलकावर प्रसिद्ध केली जाईल. गुणवत्तेनुसार थेट प्रवेश निश्चित केले जातील. विशेष म्हणजे, मुदतवाढ मिळण्याची शक्यता आहे.