Elementary Exam 2024 Date – महाराष्ट्र राज्य कला शिक्षण मंडळाकडून शासकीय रेखाकला (एलिमेंटरी व इंटरमिजिएट ड्रॉइंग ग्रेड) परीक्षेचे वेळापत्रक जाहीर करण्यात आले आहे. त्यानुसार या दोन्ही चित्रकला परीक्षा २५ ते २८ सप्टेंबरदरम्यान घेण्यात येणार आहेत, असे महाराष्ट्र राज्य कला शिक्षण मंडळाचे संचालक विनोद दांडगे यांनी पत्र जारी केले आहे. पूर्वी कला संचालनालयातर्फे या परीक्षा घेतल्या जात होत्या. परंतु, २०२४-२५ पासून महाराष्ट्र राज्य कला शिक्षण मंडळाचा अधिनियम लागू करण्यात आला आहे. त्यानुसार आता शासकीय रेखाकला परीक्षा मंडळाकडून घेण्यात येणार आहेत. शासनाने शासकीय रेखाकला परीक्षेच्या पुनर्रचित अभ्यासक्रमास १६ फेब्रुवारी २०१५ रोजीच्या निर्णयानुसार मान्यता देण्यात आली आहे. त्यानुसार यंदा ही शासकीय रेखाकला परीक्षा घेण्यात येणार आहे. या परीक्षेचे २०२४ सिल्याबस बघण्यासाठी येथे क्लिक करा. 

संबंधित सर्व केंद्रप्रमुखांनी शासकीय रेखाकला परीक्षेसाठी विद्यार्थ्यांचे नावनोंदणी करताना दोन्हीपैकी (एलिमेंटरी किंवा इंटरमिजिएट) एकाच परीक्षेसाठी नावाची ऑनलाइन नोंदणी करावी. शासकीय रेखाकला परीक्षा केंद्रांची नोंदणी, विद्यार्थ्यांची नोंदणी व परीक्षा शुल्क ऑनलाइन पद्धतीने संकेतस्थळावर भरावे, याबाबत पालक आणि विद्यार्थ्यांना कळवावे, असे आवाहन मंडळातर्फे करण्यात आले आहे.

असे आहे वेळापत्रकातील महत्वाचे टप्पे 

• १ ते ५ ऑगस्ट : केंद्राची नोंदणी व माहिती अद्ययावत करणे, केंद्राच्या अधीनस्थ असलेल्या सहभागी शाळांची नोंदणी ऑनलाइन पद्धतीने करणे
• ५ ते ३१ ऑगस्ट : एलिमेंटरी व इंटरमिजिएट परीक्षेस प्रविष्ट होणाऱ्या विद्यार्थ्यांची ऑनलाइन नोंदणी करणे
• १४ ते ३१ ऑगस्ट: परीक्षक, समालोचक व उपमुख्य समालोचकांची ऑनलाइन नोंदणी

परीक्षेचे वेळापत्रक एलिमेंटरी चित्रकला परीक्षा

• २५ सप्टेंबर : वस्तुचित्र १०.३० ते १; स्मरणचित्र २ ते ४ ट्ट २६ सप्टेंबर: संकल्पचित्र १०.३० ते १; कर्तव्यभूमिती व अक्षरलेखन : २ ते ४
  इंटरमिजिएट चित्रकला परीक्षा
• २७ सप्टेंबर : स्थिरचित्र १०.३० ते १.३०; स्मरणचित्र २.३० ते ४.३०
• २८ सप्टेंबर : संकल्पचित्र नक्षीकाम १०.३० ते १.३०; कर्तव्य भूमिती, घनभूमिती व अक्षरलेखन २.३० ते ५.३०