देशात बेरोजगारीचे प्रमाण दिवसेंदिवस वाढत चालले असतानाच एकट्या अर्थ मंत्रालयात 11 लाखापेक्षा जास्त पदे रिक्त आहेत. यात अर्थ मंत्रालयाच्या (Finance Ministry) अखत्यारित येणारे विभाग आणि सार्वजनिक क्षेत्रातील उपक्रमांचा समोवश आहे. अर्थमंत्री निर्मला सितारामन (Nirmala Sitharaman) यांनी आज लोकसभेत प्रश्नोत्तराच्या तासात उत्तर देताना सांगितले की, अर्थ मंत्रालय (Finance Ministry) आणि मंत्रालयाच्या अखत्यारित येणा-या विभागात एकूण 11 लाख तीन हजार 989 पदे रिक्त आहेत. तामिळनाडूहून द्रमुकचे खासदार डी एम कथीर आनंद यांनी केवळ अर्थ मंत्रालयात किती जागा रिक्त असल्याचा प्रश्न विचारला होता. या प्रश्नाच्या उत्तरात सितारामन यांनी ही माहिती दिली. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.