MPSC Duyyam Seva Exam 2020: Choice for center change : MPSC दुय्यम सेवा पूर्व परीक्षा 2020-विद्यार्थ्यांना परीक्षा केंद्र बदलण्याची मुभा

महाराष्ठ्र लोकसेवा आयोगामार्फत दिनांक २८ फेब्रुवारी, २०२० रोजी प्रसिद्ध करण्यात आलेल्या जाहिरातीस अनुसरून पूर्व नियोजित वेळापत्रकानुसार महाराष्ट्र दुय्यम सेवा पूर्व परीक्षा २०२० चे आयोजन रविवार दिनांक ३ मे २०२० रोजी नियोजित होते तथापि कोरोना विषाणूचा वाढत प्रादुर्भाव रोखण्याकरिता ही परीक्षा ११ ऑक्टोबर २०२० रोजी घेण्याचे प्रस्तावित आहे. २१ ऑगस्ट च्या दुपारी दोन वाजल्यापासून २६ ऑगस्टच्या रात्री 23.59 वाजेपर्यंत उमेदवारांना केंद्र बदलता येणार आहेत.

• जाहिरातीस अनुसरून अर्ज करताना उमेदवाराने निवडलेले जिल्हा केंद्र रद्द करण्यात येत आहे.
• आयोगाच्या ऑनलाईन अर्ज करताना उमेदवाराने निवडलेले जिल्हा केंद्र रद्द करण्यात येत आहे.
• आयोगाच्या ऑनलाईन अर्ज प्रणालीमधील उमेदवारांच्या प्रोफाइलव्दारे दिनांक २१ ऑगस्ट च्या दुपारी दोन वाजल्यापासून २६ ऑगस्टच्या रात्री 23.59 वाजेपर्यंत उमेदवारांना केंद्र बदलता येणार आहेत.

अधिक माहिती करिता येथे क्लिक करा – https://bit.ly/34ckMVN

MPSC Exam 2020 : ‘एमपीएससी’चे परीक्षा केंद्र बदलता येणार; केवळ पुणे विभागाबाहेरील उमेदवारांना मुभा

महाराष्ट्र लोकसेवा आयोगाकडून घेण्यात येणाऱ्या राज्यसेवा पूर्व परीक्षेसाठी केंद्र बदलण्याची मुभा उमेदवारांना देण्यात आली आहे. मात्र, केवळ पुणे महसुली विभागाबाहेरील पुणे जिल्हा केंद्र म्हणून निवडलेल्या विद्यार्थ्यांनाच ही संधी मिळणार आहे. आजपासून (दि. १७ ऑगस्ट) ऑनलाइन पद्धतीने केंद्र बदलता येणार आहे. त्यासाठी १९ ऑगस्ट ही अंतिम मुदत असेल. आयोगाकडून सुरुवातीला एप्रिल महिन्यात परीक्षा घेतली जाणार होती. मात्र, कोरोनाचा प्रादुर्भाव वाढल्याने देशात लॉकडाऊन जाहीर केल्यानंतर ही तारीख बदलण्यात आली. आता ही परीक्षा २० सप्टेंबरला घेतली जाणार आहे.

कोरोनाची भीती कायम असल्याने परीक्षा पुढे ढकलण्याची मागणी केली जात होती. मात्र, आयोग परीक्षा घेण्यावर ठाम राहिला. मात्र, परीक्षा केंद्र बदलून देण्याची मागणी मान्य करण्यात आली आहे. पुण्यात राज्यभरातील लाखो विद्यार्थी स्पर्धा परीक्षांचा अभ्यास करतात. ते परीक्षेसाठी पुणे केंद्रच निवडतात. यातील बहुतेक विद्यार्थी कोरोना च्या भीतीने गावी परतले आहेत. पुण्यामध्ये साध्य कोरोनाचे रुग्ण वेगाने वाढत असल्याने अनेकांना पुण्यात येणे शक्य होणार नाही. तसेच पुण्यात संसर्ग होण्याची भीती लक्षात घेऊन केंद्र बदलण्यासाठी मुभा देण्याचा निर्णय घेण्यात आला. पुणे केंद्र बदलण्यासाठी आयोगाने अट घातली आहे. पुणे महसुली विभागाच्या बाहेरचा कायमस्वरुपी निवासी पत्ता असलेल्या ज्या उमेदवारांनी राज्यसेवा पूर्व परीक्षेसाठी पुणे केंद्र निवडले आहे, त्यांनाच केंद्र बदलता येणार आहे.

पुणे महसुली विभागातील पुणे, कोल्हापूर, सातारा, सांगली, सोलापूर या जिल्ह्यांतील कायमस्वरुपी निवासी पत्ता असलेल्या उमेदवारांना केंद्र बदलून मिळणार नाही. केंद्र बदलू इच्छित असलेल्या उमेदवारांना त्यांच्या महसुली विभागाच्या मुख्यालयाचे केंद्रच परीक्षा केंद्र (मुंबई, नागपूर, औरंगाबाद, नाशिक, अमरावती) म्हणून निवडता येईल. पात्र उमेदवारांना आयोगाकडून तसे संदेश पाठविले जाणार आहेत. ‘प्रथम येणाऱ्यास प्रथम प्राधान्य ‘ या तत्वानुसार केंद्र मिळेल. परीक्षा केंद्राची बैठक क्षमता संपल्यानंतर ते केंद्र निवडता येणार नाही. त्यानंतर केंद्र बदलून मिळणार नाही, असे आयोगाने परिपत्रकाद्वारे स्पष्ठ केले आहे.

MPSC Exam 2020 : करोनाच्या पार्श्‍वभूमीवर महाराष्ट्र राज्य लोकसेवा आयोगाची दि. 20 सप्टेंबर रोजी होणारी विविध पदांसाठीची भरती परीक्षा केंद्राबाबत राज्य सरकारने महत्त्वपूर्ण निर्णय घेतला आहे. या परिक्षा आता फक्त मुंबई आणि पुणे येथे न होता राज्यातील सर्व विभागीय केंद्रांवर घेण्यात येणार आहेत.

विधानसभा अध्यक्ष नाना पटोले यांनी आज महाराष्ट्र लोकसेवा आयोगाचे अध्यक्ष सतिश गवई यांच्याशी परीक्षा उमेदवारांच्या वतीने चर्चा करण्यात आली. यावेळी करोना परिस्थितीमुळे फक्त मुंबई आणि पुणे येथे परीक्षा ठेवल्यास राज्याच्या अन्य भागातील स्पर्धा परीक्षेतील उमेदवारांना रेल्वे सेवा बंद असल्याने परीक्षास्थळी पोहोचणे शक्‍य होणार नाही ही वस्तुस्थिती निदर्शनास आणत ही परीक्षा सर्व महसूल विभागीय केंद्रांवर घेण्यात यावी अशी सूचना केली.

ही सूचना महाराष्ट्र लोकसेवा आयोगाने मान्य केली आहे. यामुळे स्पर्धा परीक्षा देऊ इच्छिणाऱ्यांना मोठा दिलासा मिळाला आहे. यासंदर्भात विधानसभा अध्यक्ष नाना पटोले यांनी पुढाकार घेऊन परीक्षेला बसलेल्या उमेदवारांची अडचण दूर केल्याने राज्याच्या सर्व विभागातून या निर्णयाचे स्वागत होत आहे.

Postponed MPSC Exam 2020 : एमपीएससीकडून १३ सप्टेंबरला होणारी राज्यसेवा परीक्षा पुढे ढकलण्याचा निर्णय घेण्यात आला आहे. देशभरात १३ सप्टेंबरला नीट परीक्षा होणार असल्याने राज्यसेवा परीक्षा पुढे ढकलण्याचा निर्णय एमपीएससीने घेतला असून आता २० सप्टेंबरला ही परीक्षा होणार आहे. एमपीएसीकडून पत्रकाद्वारे अधिकृतरित्या हे जाहीर करण्यात आले आहे.

करोना विषाणूच्या संसर्गामुळे महाराष्ट्र लोकसेवा आयोगाने तिसऱ्यांदा परीक्षा पुढे ढकलण्याचा निर्णय घेतला आहे. यापूर्वी स्थगित करण्यात आलेल्या परीक्षांचे सुधारित वेळापत्रक १७ जून रोजी जाहीर करण्यात आले होते. या वेळापत्रकानुसार राज्यसेवा पूर्व परीक्षा १३ सप्टेंबर, दुय्यम सेवा संयुक्त पूर्व परीक्षा ११ ऑक्टोबर आणि अभियांत्रिकी सेवा पूर्व परीक्षा १ नोव्हेंबर होणार होत्या. मात्र, १३ सप्टेंबर रोजी देशभरात नीट परीक्षा होणार असून त्याच दिवशी राज्य सेवा पूर्व परीक्षा होणार होती. त्यामुळे एमपीएससीने पुन्हा एकदा ही परीक्षा पुढे ढकलण्याचा निर्णय घेतला आहे.

एमपीएससीने २३ डिसेंबर २०१९ रोजी प्रसिद्ध केलेल्या जाहीरातीनुसार, राज्य सेवा पूर्व परीक्षा-२०२० रविवार, ५ एप्रिल २०२० रोजी घेण्याचे निश्चित केले होते. मात्र, करोना विषाणूच्या प्रादुर्भावाच्या पार्श्वभूमीवर ही परीक्षा ऐनवेळी पुढे ढकलण्यात आली होती. त्यामुळे १७ जून २०२० रोजी एमपीएससीने प्रसिद्धी पत्रकाद्वारे ही परीक्षा १३ सप्टेंबर रोजी घेण्याचे घोषीत केले. आयोगाकडून परीक्षेचा दिनांक निश्चित करण्यात आल्यानंतर राष्ट्रीय परीक्षा संस्थेकडून ३ जुलै २०२० रोजीच्या सूचनेद्वारे राष्ट्रीय पात्रता व प्रवेश परीक्षा (नीट) १३ सप्टेंबर २०२० रोजी घेण्याचे निश्चित करण्यात आले.

आयोगामार्फत आयोजित परीक्षेकरीता उमेदवारांची संख्या तसेच राष्ट्रीय परीक्षा संस्थेकडून घेण्यात येणाऱ्या परीक्षेसाठी प्रवेश देण्यात येणाऱ्या उमेदवारांची संख्या लक्षात घेता दोन्ही परीक्षांचे एकाच दिवशी आयोजन करण्यास परीक्षा उपकेंद्राच्या उपलब्धतेसह अन्य प्रशासकीय अडचणी निर्माण होत असल्याची बाब निदर्शनास आली. राष्ट्रीय परीक्षा संस्थेकडून घेण्यात येणारी परीक्षा ही देश पातळीवर घेण्यात येणार आहे, ही बाब लक्षात घेऊन प्रशासकीय कारणामुळे एमपीएससीने आयोजित राज्य सेवा पूर्व परीक्षा २० सप्टेंबर रोजी घेण्याचे निश्चित करण्यात आल्याचे एमपीएससीने प्रसिद्धीपत्रकात म्हटले आहे.