CA Exam New Timetable 2025

देशातील परिस्थितीमुळे इन्स्टिट्यूट ऑफ चार्टर्ड अकाउंटंट्स ऑफ इंडियाने (आयसीएआय) सनदी लेखापाल (चार्टर्ड अकाउंटंट) अभ्यासक्रमाची परीक्षा लांबणीवर टाकण्याचा निर्णय जाहीर केला आहे. सीए अभ्यासक्रमाच्या विद्यार्थ्यांसाठी एक महत्त्वाची अपडेट समोर आली आहे. युद्धजन्य परिस्थितीमुळे पुढे ढकललेल्या चार्टर्ड अकाउंटंट (सीए) परीक्षांचे सुधारित वेळापत्रक अखेर इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) जाहीर केलं आहे. आता या परीक्षा १६ ते २४ मे २०२५ या कालावधीत घेतल्या जाणार आहेत.

आयसीएआयने जाहीर केलेल्या वेळापत्रकानुसार २ ते १४ मे या कालावधीत परीक्षा आयोजित करण्यात आल्या होत्या. त्यात इंटरमिजिएट परीक्षेत गट-१ ची परीक्षा ३, ५ आणि ७ मे रोजी, तर गट-२ मधील परीक्षा ९, ११ आणि १४ मे रोजी होणार होती. तसेच, अंतिम परीक्षेतील गट-१ मधील परीक्षा २, ४ आणि ६ मे रोजी, तर गट-२ मधील परीक्षा ८, १० आणि २३ मे रोजी घेण्याचे नियोजन होते. परंतु, देशात उद्भवलेल्या तणावपूर्ण परिस्थितीचा विचार करून विद्यार्थ्यांच्या सुरक्षिततेबाबतची काळजी यामुळे परीक्षा पुढे ढकलण्यात आली आहे. परिस्थिती पूर्वपदावर आल्यावर परीक्षा घेतल्या जातील. नव्याने वेळापत्रक जाहीर करण्यात येणार आहे. परीक्षेच्या स्थळांमध्ये कोणतेही बदल झाले आहेत का, तसेच प्रवेशपत्र डाउनलोडची तारीख, परीक्षा केंद्राचे निर्देश यांसाठी विद्यार्थ्यांनी ICAI च्या अधिकृत वेबसाइटवर नियमितपणे भेट देणे आवश्यक आहे. कोणत्याही अफवांवर विश्वास न ठेवता फक्त अधिकृत माहितीवर भर देण्याचे आवाहन ICAI ने केले आहे.

पूर्वी जाहीर केलेल्या तारखा पुढे ढकलण्यात आल्या

सीए परीक्षांचे मूळ वेळापत्रक ९ ते १४ मे दरम्यानचे होते. मात्र, काही भागांतील युद्धजन्य परिस्थिती आणि सुरक्षिततेच्या दृष्टीने आयसीएआयने या परीक्षा पुढे ढकलण्याचा निर्णय घेतला होता. या निर्णयामुळे देशभरातील हजारो परीक्षार्थींमध्ये संभ्रमाचे वातावरण निर्माण झाले होते.

आयसीएआयच्या अधिकृत घोषणेनुसार, आता पुढील परीक्षा १६ ते २४ मे या कालावधीत पार पडणार आहेत. यामध्ये सीए अंतिम, इंटरमीडिएट आणि आयएनटीटी-एटी (पीक्यूसी) या तीनही स्तरांच्या परीक्षांचा समावेश आहे.

युद्धविरामामुळे निर्माण झालेल्या स्थैर्यामुळेच या सुधारित तारखा निश्चित करण्यात आल्या असल्याचे ICAI ने स्पष्ट केले आहे.