Anganwadi Sevika Salary Update  

माझी लाडकी बहीण योजनेचे फॉर्म भरण्यासाठी अंगणवाडीसेविकांना प्रति फॉर्म ५० रुपये प्रोत्साहनपर पैसे देण्यात येणार असल्याची घोषणा सरकारकडून करण्यात आली होती, पण त्यांना अद्याप एक रुपयादेखील मिळालेला नाही. लाडक्या बहिणीच्या खात्यावर या योजनेचे पैसे आले व अजून येणे सुरूच आहे. परंतु रात्रंदिवस कष्ट करून या योजनेचे फॉर्म भरणाऱ्या अंगणवाडीसेविका मात्र वंचितच आहेत. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

शासनाने दिलेला शब्द पाळला नसल्याची त्यांची भावना आहे. सुमारे अडीच हजार सेविकांनी ऑगस्टपासून मुख्यमंत्री माझी लाडकी बहीण योजनेचे फॉर्म भरण्याचे काम केले होते. योजनेचे सुमारे पाच हप्ते पात्र महिलांच्या खात्यात जमा झाले. या माध्यमातून त्यांना साडेसात हजार मिळाले आहेत. पण त्यांना हे पैसे मिळवून देण्यात हातभार लावणाऱ्या सेविका मात्र कष्टाच्या पैशांची वाट पाहत आहेत. राज्य सरकारने लाडकी बहीण योजना सुरू केली, तेव्हा लाभार्थ्यांचे अर्ज भरून घेण्यासाठी आशासेविका, सेतू सुविधा केंद्र, अंगणवाडी पर्यवेक्षिका यांसह ११ जणांना प्राधिकृत केले होते. परंतु दि. ६ सप्टेंबर रोजी एका नव्या आदेशाद्वारे फक्त अंगणवाडीसेविकांनाच या योजनेतील महिलांचे अर्ज अंगणवाडीत भरून घेण्याची परवानगी देण्यात आली. अंगणवाडीचे दैनंदिन काम सांभाळून सेविकांनी फॉर्म भरले. पण त्याचा मेहनताना देण्यात शासन टाळाटाळ करीत आहे.

 

---

 

अंगणवाडी सेविकांसाठी (Anganwadi Workers) आनंदाची बातमी समोर येत आहे. अंगणवाडी सेविकांच्या मानधनात वाढ करण्यात आल्याचा निर्णय आजच्या राज्य मंत्रिमंडळाच्या बैठकीत (Cabinet Meeting) घेतल्याची माहिती राज्याच्या महिला आणि बालविकास मंत्री आदिती तटकरे (Aditi Tatkare) यांनी दिली आहे. तर ज्या सेविकांनी लाडकी बहीण योजनेचे (Ladki Bahin Yojana) फॉर्म भरले त्यांना इन्सेंटिव्ह देखील मिळणार असल्याचे त्यांनी सांगितले आहे. आदिती तटकरे म्हणाल्या की, आज मंत्रिमंडळाच्या बैठकीत अंगणवाडी सेविकांच्या मानधन वाढीचा प्रस्ताव आम्ही ठेवला होता. मुख्यमंत्री एकनाथ शिंदे आणि इतर सर्व मंत्र्यांनी त्या प्रस्तावाला पाठिंबा दिला आहे. मानधनात साधारण 50 टक्के वाढ आम्ही केली आहे, असे त्यांनी म्हटले आहे.

अंगणवाडी सेविकांच्या मानधनात वाढ

ज्या महिला मदतनीस आहेत त्यांना 3 हजार अधिक मानधन देण्याचा निर्णय घेण्यात आला. तर अंगणवाडी सेविकांना दहा हजार रुपये मिळत होते. त्यात आता 5 हजार अधिक मिळणार आहेत. मागच्या वेळेस 3 हजार वाढवले होते. मात्र, आता पाच हजार वाढवण्यात आले आहेत, अशी माहिती आदिती तटकरे यांनी दिली आहे. त्या पुढे म्हणाल्या की, अतिशय परखडपणे अंगणवाडी सेविका आणि मदतनीस यांची मानधनात वाढ करण्यात आल्याने आम्हाला आनंद होत आहे. तर ज्या सेविकांनी लाडकी बहीण योजनेचे फॉर्म भरले त्यांना इन्सेंटिव्ह देखील आम्ही सुरू करत आहोत. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस आणि उपमुख्यमंत्री अजित पवार यांनी आमची अग्रेसर मागणी पूर्ण केली आहे.

दरम्यान, लाडकी बहीण योजनेचे पैसे पुरुषांच्या खात्यात जमा झाल्याचे उघडकीस आले आहे. याबाबत आदिती तटकरे म्हणाल्या की, काल प्रशासनाच्या दृष्टीस ही बाब आली. मी स्थानिक जिल्हाधिकाऱ्यांच्या संपर्कात आहे. जे 37, 38 अकाऊंट आहेत, ते सिल करण्यात यावे, जे फॉर्म भरण्यात आले ते देखील क्रॉस व्हेरिफाय करण्यात यावे, जेणेकरून कोणावर अन्याय होणार नाही असे आदेश देण्यात आले आहेत, असे त्यांनी सांगितले. आतापर्यंत 1 कोटी 87 लाख महिलांच्या खात्यात लाडकी बहीण योजनेचे पैसे जमा होता आहेत. ज्यांचे फॉर्म काही कारणास्तव मागे राहिले होते, त्यांना तिन्ही महिन्यांचे पैसे आणि ज्यांना आधी 2 महिन्यांचे मिळाले त्यांना या महिन्याचे पैसे मिळतील, असे माहिती त्यांनी यावेळी दिली.

 

---

राज्यातील दोन लाख अंगणवाडी सेविकांना तीन हजार मानधनवाढ आणि दोन हजार प्रोत्साहन भत्ता आणि त्यांच्या मदतनीसांना दोन हजार रुपये मानधनवाढ आणि एक हजार रुपये प्रोत्साहन भत्ता देण्याचा निर्णय महिला व बालकल्याण विकास विभागाने घेतला आहे. वित्त विभागाने या प्रस्तावाला मान्यता दिली असली तरी ही वाढ अद्याप हातात न पडल्याने राज्यातील अंगणवाडी सेविकांनी सोमवारपासून (२३ सप्टेंबर) मुंबईत जेल भरो आंदोलन करणार असल्याचे जाहीर केले आहे. राज्यात सुमारे एक लाख १३ हजार अंगणवाड्या असून त्यात दोन लाखांपेक्षा जास्त अंगणवाडी सेविका आणि मदतनीस कार्यरत आहेत. या अंगणवाडी सेविकांना सध्या दहा हजार रुपये तर मदतनीसांना सात हजार रुपये मानधन आहे. अंगणवाडी सेविकांनी मानधनवाढीच्या मागणीसाठी चार डिसेंबर २०२३ ते २५ जानेवारी २०२४ पर्यंत ५२ दिवस राज्यव्यापी संप केला होता. राज्य सरकारने १४ मार्च रोजी पाच हजार रुपयांची वाढ जाहीर केली तरी हा प्रस्ताव अद्याप कागदावर आहे. अंगणवाडी सेविकांची मागणी सरसकट पाच हजार रुपये वाढीची होती. महानगरपालिकेंतर्गत कार्यरत असलेल्या अंगणवाडीसेविका व मदतनीस यांच्या मानधनात वाढ करण्याच्या महिला व बाल कल्याण विभागाच्या प्रस्तावाला महापालिका आयुक्तांनी मान्यता दिली असून, त्याचा लाभ ६१२ कर्मचाऱ्यांना होणार आहे.

---

 

ग्रामीण भागातील अनेक शासकीय कामांना हातभार लावणाऱ्या अंगणवाडी सेविका आणि मदतनीस यांना अनुक्रमे पाच हजार व तीन हजार रुपये मानधन वाढ देण्याचा प्रस्ताव महिला विकास विभागाकडून वित्त विभागाला सादर करण्यात आला आहे. १२ ऑगस्टपासून राज्यातील अंगणवाडी सेविका व मदतनीस मुंबईत हुतात्मा चौकात आंदोलन करीत आहेत. राज्यात एक लाख २० हजार अंगणवाडी सेविका व ६० हजार मदतनीस आहेत. त्यांना १२ हजार रुपये मानधन आहे. मदतनीसांना ८ हजार रुपये मानधन आहे. त्यांच्या मानधनात वाढ व्हावी अशी गेली अनेक वर्षांची मागणी आहे. आशा सेविकांच्या मानधन दरमहा १५ हजार करण्यात आल्याने अंगणवाडी सेविकांच्या आंदोलनात बळ आले आहे. अंगणवाडी सेविकांना पाच हजार तर मदतनीस यांना तीन हजार रुपये वाढ देण्यात यावी असा प्रस्ताव महिला विकास विभागाने वित्त विभागाला दिला आहे.

 

---

Anganwadi Sevika Bharti 2023: The remuneration of Anganwadi Chief Sevaka, Anganwadi Sevaka has been increased by Rs. Therefore, the main sevaks will henceforth get 8,500, Anganwadi sevaks 7,620 and Anganwadi helpers 7,000. At present, there are five main workers, 305 Anganwadi workers and 302 helpers working in Anganwadis in the city, said Deputy Commissioner Prashant Patil.

नाशिक महानगरपालिकेच्या महिला व बालकल्याण विभागांतर्गत येणाऱ्या अंगणवाडीत मुख्य सेविका, अंगणवाडीसेविका व मदतनीस तात्पुरत्या स्वरूपात मानधनावर कार्यरत आहेत. त्यांच्यावर कामाचा असलेला ताण व प्रत्यक्ष मिळणारे मानधन पाहता, त्यांच्या मानधनात वाढ करण्याची मागणी वेळोवेळी करण्यात आली होती. या संदर्भात आमदार देवयानी फरांदे यांनी अधिवेशनात लक्षवेधी सूचनेद्वारे शासनाचे लक्ष वेधले होते, तसेच अन्य लोकप्रतिनिधींनीही महापालिकेकडे शिफारस केली होती.

या अंगणवाडीसेविकांना सन २०२१ मध्ये एक हजार रुपयांची वाढ देण्यात आली होती. त्यानंतर, वाढती महागाई लक्षात घेता, उपायुक्त प्रशांत पाटील यांनी मानधनात वाढ करण्याचा प्रस्ताव तयार करून तो आयुक्तांना सादर केला होता. त्यास मान्यता देण्यात आली आहे.

अंगणवाडी मुख्य सेविका, अंगणवाडीसेविका यांच्या मानधनात प्रतिमहा प्रत्येकी रुपये दान हजार व अंगणवाडी मदतनीस यांच्या मानधनात प्रतिमहा प्रत्येकी रुपये १,६०० रुपये वाढ करण्यात आली आहे. त्यामुळे मुख्य सेविकांना यापुढे ८,५००, अंगणवाडीसेविकांना ७,६२० व अंगणवाडी मदतनीस यांना ७,००० एवढे सुधारित मानधन मिळणार आहे. सध्या शहरातील अंगणवाड्यात पाच मुख्य सेविका, ३०५ अंगणवाडीसेविका व ३०२ मदतनीस कार्यरत आहेत, अशी माहिती उपायुक्त प्रशांत पाटील यांनी दिली…

आयुक्तांनी दुधाची तहान ताकावर भागविली आहे. मुख्य सेविकांना १५ हजार, सेविकांना १० हजार तर मदतनिसांना ९ हजार ८०० रुपये वाढ अपेक्षित होती. मात्र, चुकीच्या पद्धतीने एकतर्फी वाढ करण्यात आली आहे. -किरण मोहिते, हितरक्षक सभा

---

WCD Anganwadi Sevika Salary Update 2024

Anganwadi Sevika Bharti 2023: Women and Child Welfare Minister Mangal Prabhat Lodha has clarified that thousands of Anganwadi workers and helpers will get relief from July. Despite the decision in this regard, these employees had expressed disappointment as there was no increase in salary for the last two months. And to get all the further updates regarding this recruitment on time, download the official mobile app of Mahabharti in your mobile.

राज्यभरातील अंगणवाडी सेविका व मदतनीस यांना राज्य सरकारने केलेली मानधनातील वाढ जुलैपासून मिळणार असल्याचे महिला व बालकल्याण मंत्री मंगल प्रभात लोढा यांनी स्पष्ट केल्याने हजारो अंगणवाडी सेविका व मदतनीस  यांना दिलासा मिळाला आहे. यासंदर्भात निर्णय होऊनही गेली दोन महिने मानधनात वाढ होत नसल्याने या कर्मचाऱ्यांनी निराशा व्यक्त केली होती.  व या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

खुशखबर!मे महिन्यापर्यंत 20 हजार अंगणवाडी सेविका भरती करणार ! – Maharashtra Anganwadi Bharti 2023

राज्य सरकारने अंगणवाडी

सेविका आणि मदतनीस यांच्या मानधनात १ एप्रिल २०२३ पासून वाढ करण्याचा निर्णय घेतला. अंगणवाडी सेविकांना १० हजार, मिनी अंगणवाडी सेविकांना सात हजार २०० आणि अंगणवाडी मदतनिसांना पाच हजार ५०० रुपये मानधन देण्याची घोषणा केली. परंतु त्याची अंमलबजावणी अजूनही झालेली नाही. त्यामुळे अंगणवाडी सेविका व मदतनीस वाढीव मानधन लवकर मिळावे यासाठी आग्रही होत्या.

राज्य शासनाने जरी १ एप्रिल २०२३ पासून अंगणवाडी सेविका व मदतनीस यांच्या मानधनात वाढ करण्याचा निर्णय जरी  घेतला असला तरी या वाढलेल्या खर्चाची तरतूद पुढील महिन्यात करणार आहोत. त्यामुळे जुलै महिन्यापासून वाढलेल्या मानधनाची अंमलबजावणी होईल.

– मंगलप्रभात लोढा, पर्यटन व महिला बाल विकास मंत्री

---

Mini Anganwadi Sevika Bharti 2023

Anganwadi Sevika Bharti 2023: High Court order to approve recruitment of mini anganwadi workers before promotion, and start Mini Anganwadi Bharti process. Objection to the new promotion criteria Earlier, helpers who passed 10th were promoted as servants. However, according to the new norms of the government, it was decided to promote the 12th-passed helpers as servants. Therefore, the organizations challenged this new criterion in the court. Hence approval is given to fill up the vacancies prior to promotion.

खुशखबर !! राज्यातील २०६०१ अंगणवाडी कर्मचाऱ्यांच्या भरती प्रक्रियेला मुंबई उच्च न्यायालयाने दिलेली स्थगिती अंशत: उठवण्यात आली आहे. मदतनीस म्हणून नव्या निकषानुसार दिलेल्या पदोन्नतीच्या आधी मदतनीस आणि मिनी अंगणवाडी सेविकांच्या ज्या जागा रिक्त होत्या त्याची भरती प्रक्रिया सुरू करा, असे न्यायालयाच्या आदेशात म्हटले आहे. तर लवकरच मिनी अंगणवाडी सेविका भरती २०२३ सुरु होणार अधिक माहिती साठी महाभरती ला भेट देत राहा…व या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

पदोन्नतीच्या नव्या निकषाला आक्षेप

७ फेब्रुवारी २०२३ च्या पत्रानुसार नोव्हेंबर २०२२ च्या अहवालानुसार रिक्त असलेल्या ४,५०९ अंगणवाडी सेविका, ६२६ मिनी अंगणवाडी सेविका आणि १५ हजार ४६६ मदतनीस अशा २० हजार ६०१ कर्मचाऱ्यांची रिक्त पदे ३१ मे २०२३ पर्यंत भरण्याच्या सूचना दिल्या होत्या. त्यानुसार राज्यातील सर्व प्रकल्प अधिकाऱ्यांनी जाहिराती देऊन अर्जही स्वीकारण्यास सुरुवात केली. याबाबतच्या शैक्षणिक आणि वयोमर्यादा पात्रतेबाबतचा सविस्तर शासन आदेशही याआधी काढण्यात आला. परंतु अंगणवाडी कर्मचारी संघटनेने सुधारित शैक्षणिक पात्रतेबाबत आक्षेप घेणारी याचिका मुंबई उच्च न्यायालयात दाखल केली होती. त्याची सुनावणी २४ मार्च रोजी झाली. त्यावेळी न्यायालयाने सकृतदर्शनी या आक्षेपांचा विचार करून १७ एप्रिल २३ पर्यंत या भरती प्रक्रियेला स्थगिती दिली होती.

मदतनीस आणि मिनी अंगणवाडी सेविकांची रिक्त पदे भरण्यास मान्यता

याप्रकरणी पुन्हा सुनावणी होऊन नव्या निकषानुसार बारावी उत्तीर्ण मदतनिसांना सेविका म्हणून पदोन्नती देण्याआधीची मदतनीस आणि मिनी अंगणवाडी सेविकांची रिक्त पदे भरण्यास मान्यता देण्यात आली आहे. पदोन्नतीच्या नव्या निकषाला आक्षेप पूर्वी दहावी उत्तीर्ण मदतनिसांना सेविका म्हणून पदोन्नती दिली जात होती. परंतु, शासनाच्या नव्या निकषानुसार बारावी उत्तीर्ण मदतनिसांना सेविका म्हणून पदोन्नती देण्याचा निर्णय घेण्यात आला. त्यामुळे या नव्या निकषालाच संघटनांनी न्यायालयात आव्हान दिले. म्हणूनच पदोन्नतीच्या आधीच्या रिक्त जागा भरण्यास मान्यता देण्यात आली आहे.

---

Anganwadi Sevika Bharti 2023 New Update

Anganwadi Sevika Bharti 2023 – Minister Mangalprabhat Lodha has given great information about Anganwadi workers. 20 percent salary increase will be done. Also, we are going to recruit 20 thousand Anganwadi workers by the month of May. Also, 150 crores will be spent on purchasing mobile phones for Anganwadi workers. So we are starting 200 container Anganwadi Sevikas in municipal area. Lodha informed that Anganwadi rental rate will be increased.

अंगणवाडी सेविकांबाबत मोठी बातमी – 20 टक्के पगार वाढ

अंगणवाडी सेविकांचा प्रश्न मार्गी लागण्याची शक्यता आहे. (Anganwadi salary issues )अंगणवाडी सेविकांबाबत मंत्री मंगलप्रभात लोढा यांनी मोठी माहिती दिली आहे. (Maharashtra Anganwadi Bharti 2023 ) अंगणवाडी सेविका मानधन वाढ अर्थसंकल्प अधिवेशनात होईल, असे ते म्हणाले. 20 टक्के पगार वाढ केली जाणार आहे. तसेच मे महिन्यापर्यंत 20 हजार अंगणवाडी सेविका भरती करणार आहोत, अशी त्यांनी माहिती दिली. दरम्यान, अंगणवाडी सेविकांचे आंदोलन सुरुच आहे. मानधनात वाढ करण्याची त्यांची मागणी कायम आहे. 

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

अंगणवाडी सेविकांबाबत मंत्री मंगलप्रभात लोढा यांनी माहिती देताना सांगितले की, 20 टक्के पगार वाढ केली जाणार आहे. तसेच मे महिन्यापर्यंत 20 हजार अंगणवाडी सेविका भरती करणार आहोत. तसेच  अंगणवाडी सेविका यांच्यासाठी मोबाईल खरेदी करण्साचा 150 कोटी खर्च केले जाणार आहे. तर मनपा क्षेत्रात 200 कंटेनर अंगणवाडी सेविका सुरु करत आहोत. अंगणवाडी भाड्डेदर वाढवला जाणार आहे, अशी माहिती लोढा यांनी दिली. तर अंगणवाडी सेविका वेतन वाढीसाठी विरोधकांकडून आंदोलन सुरु करण्यात आले आहे. 15000 हजार रुपये पगारवाढ करण्यात यावी अशी मागणी विरोधकांकडून करण्यात येत आहे.

आज प्रश्नोतरच्या तासात अंगणवाडी सेविकांचा विषय होता. जवळपास 100 सदस्यांनी हा प्रश्न उपस्थित केला. या विभागाचे मंत्री उत्तर देत होते तेव्हा सगळेच  म्हणत होते उत्तर व्यवस्थित दिलंच नाही. या सरकारची भूमिका योग्य नाही. 100 सदस्य प्रश्न उपस्थित करून देखील मंत्री बघू बघू म्हणत असतील हे योग्य नाही.ज्या घोषणा तोंडी केल्या जातायत मात्र सरकार अंमलबजावणी करत नाहीत, असा हल्लाबोल माजी मंत्री आणि राष्ट्रवादीचे नेते धनंजय मुंडे यांनी केला आहे. तसेच अंगणवाडी सेविका विषयी प्रश्न विचारला तर मुख्यमंत्री आणि उपमुख्यमंत्री बोलतील असे सांगत असतील तर असे मंत्री कश्याला पाहिजे, अशी टीका माजी मंत्री आदित्य ठाकरे यांनी केली