कॉलेज प्रवेशाला मुदतवाढ

पदव्युत्तर प्रवेशाच्या ऑइलाइन प्रक्रियेतील तांत्रिक दोषांमुळे वंचित राहिलेल्या विद्यार्थ्यांकरिता २८ सप्टेंबर कॉलेजेसमध्ये प्रवेश घेता येईल, अशी घोषणा कुलगुरू डॉ. सिद्धार्थविनायक काणे यांनी केली. त्यासंदर्भात कॉलेजेसला सूचना करण्यात येईल, असेही त्यांनी स्पष्ट केले.

ऑनलाइन प्रवेश प्रक्रियेतील दोषांचा फटका अनेक ग्रामीण भागातील विद्यार्थ्यांना बसला. त्यामुळे त्यांना पदव्युत्तर तसेच काही पदवी कोर्सेसला प्रवेश घेता आलेला नाही. त्यामुळे प्रवेशाची मुदत वाढवून देण्यात यावी, अशी मागणी एनएसयूआयचे जिल्हा अध्यक्ष आशीष मंडपे यांच्या नेतृत्वाखाली शिष्टमंडळाने कुलगुरू डॉ. काणे यांना केली.

नागपूर विद्यापीठाने चार स्पटेंबरपर्यंतच प्रवेशाला मुदत दिली होती. परंतु, शहर आणि ग्रामीण भागात अद्यापही अनेक विद्यार्थ्यांना प्रवेश मिळालेले नाहीत. काही कॉलेजेसमध्ये एकही जागा नाही, परंतु काही कॉलेजेसमध्ये जागा रिक्त आहेत. परंतु, प्रवेशाची मुदत संपल्याने विद्यार्थ्यांना फटका बसला आहे, असे एनएसयूआयने कुलगुरूंना सांगितले. तेव्हा ज्या कॉलेजमध्ये जागा रिक्त असतील तिथे २४ सप्टेंबरपर्यंत विद्यार्थ्यांना प्रवेश देता येईल, असे कुलगुरूंनी स्पष्ट केले.

Source : म. टा.