इंटर्नशिपसाठी आवश्यकतेपेक्षा जास्त अर्ज आल्यास गुगल याआधीही ही भरती बंद करू शकते. अमेरिकेत कॉम्प्युटर सायन्सचं शिक्षण घेणाऱ्या भारतीय विद्यार्थ्यांसाठी गुड न्यूज आहे. जगातील सर्वात मोठी टेक कंपनी गुगलमध्ये सॉफ्टवेअर इंजिनिअर इंटर्नशिप करण्याची संधी आली आहे. गुगल समर २०२५ साठी सॉफ्टवेअर इंजिनिअरिंग इंटर्नशिप भरती होत आहे. ही इंटर्नशिप अमेरिकेत कॉम्प्युटर सायन्सचं शिक्षण घेणाऱ्या PHd विद्यार्थ्यांना फायदेशीर आहे. Google – Google Internship apply online च्या अधिकृत वेबसाईटनुसार इंटर्नशिपसाठी अर्ज करण्यासाठी २८ मार्च २०२५ ही अखेरची मुदत देण्यात आली आहे.

इंटर्नशिपसाठी आवश्यकतेपेक्षा जास्त अर्ज आल्यास गुगल याआधीही ही भरती बंद करू शकते. त्यामुळे जास्तीत जास्त विद्यार्थ्यांना यासाठी लवकर अर्ज करावा लागणार आहे.  इंटर्नशिप काळात संबंधितांना अमेरिकेत राहावे लागेल त्यामुळे त्या देशात राहणाऱ्या पीएचडी धारकांना याचा लाभ घेता येईल.

गुगल इंटर्नशिपचा कालावधी १२ ते १४ आठवडे चालेल, त्या कालावधीत किती पैसे मिळतील याची माहिती अद्याप दिली नाही. मात्र याठिकाणी त्या पदासाठी फुल टाईम जॉब करणाऱ्यांना ९४ लाख रूपयांपासून १.२६ कोटी पगार दिला जातो. इंटर्नशिपमुळे तुमचा प्रोफेशनली अनुभव तयार होतो. सॉफ्टवेअर इंजिनिअर इंटर्नशिप करताना गुगलच्या प्रोजेक्टवर काम करायला मिळेल.