इंटर्नशिपच्या शोधात असलेल्या तरुणांसाठी प्रधानमंत्री इंटर्नशिप योजना 2024-25 च्या दुसऱ्या टप्प्यासाठी अर्ज प्रक्रिया सुरू झाली आहे. इच्छुक उमेदवार 12 मार्च 2025 पर्यंत अर्ज करू शकतात. अर्ज करण्यासाठी अधिकृत वेबसाइट https://pminternship.mca.gov.in/login/ ला भेट द्यावी.

असा करा अर्ज:

• अधिकृत वेबसाइटला भेट द्या.
• होमपेजवरील नोंदणी लिंकवर क्लिक करा.
• मोबाईल नंबर टाकून नोंदणी पूर्ण करा.
• अर्ज फॉर्म भरून आवश्यक कागदपत्रे अपलोड करा.
• सर्व माहिती तपासा आणि अर्ज सबमिट करा.
• भविष्यातील संदर्भासाठी अर्जाची प्रिंटआउट घ्या.

पात्रता आणि अटी:
या इंटर्नशिपसाठी 21 ते 24 वयोगटातील भारतीय तरुण अर्ज करू शकतात. अर्जदार पूर्णवेळ नोकरी किंवा शिक्षणात गुंतलेला नसावा. तसेच, ऑनलाइन किंवा दूरस्थ शिक्षण घेत असलेले विद्यार्थीही अर्ज करण्यास पात्र असतील.

उमेदवाराचे कुटुंबाचे वार्षिक उत्पन्न 8 लाख रुपयांपेक्षा जास्त नसावे.
कुटुंबातील कोणताही सदस्य कायमस्वरूपी सरकारी नोकरीत असल्यास अर्ज करता येणार नाही.
IIT, IIM, IISER, NIT, IIIT, NLU यांसारख्या संस्थांमधून पदवी घेतलेल्या उमेदवारांना अर्ज करता येणार नाही.
CA, CMA, CS, MBBS, BDS, MBA, पदव्युत्तर पदवी किंवा उच्च शिक्षण घेतलेले उमेदवार पात्र नाहीत.
एक लाख उमेदवारांची निवड होणार
या टप्प्यात एकूण 1 लाख उमेदवारांची निवड केली जाणार आहे. त्यामुळे इच्छुक तरुणांनी लवकरात लवकर अर्ज करण्याची संधी साधावी.