सीबीएसई व आयसीएसईसाठी प्रत्येकी एक शाळा

One school each for CBSE and ICSE

शिक्षकांनादेखील आवश्यक प्रशिक्षण

जागतिकीकरणाच्या काळात आपल्या पाल्याने इंग्रजी माध्यमाच्या शाळेत प्रवेश घ्यावा अशी अनेक पालकांची इच्छा असते. स्पर्धेत आपले पाल्य टिकून राहावे यासाठी अनेक पालक परवडत नसतानाही त्यास इंग्रजी माध्यमाच्या शाळेत घालतात. मात्र आता पालिका शाळांमध्येच आंतरराष्ट्रीय शिक्षणाची कवाडे खुली होणार आहेत. पालिकेची एक शाळा सीबीएसई तर दुसरी शाळा आयसीएसई मंडळाशी जोडली जाणार आहे. या शाळांमधील शिक्षण विनामूल्य असेल. मात्र या निर्णयामुळे राज्य शिक्षण मंडळाच्या गुणवत्तेबाबात शंका उपस्थित करण्यात येत असल्याचा आरोप शिक्षकांकडून होत आहे.

मुंबई महापालिकेच्या शाळांमधील विद्यार्थ्यांच्या गुणवत्तेत वाढ करण्यासाठी पालिकेकडून अनेक प्रयत्न करण्यात येत आहेत. त्याचे चांगले परिणाम दिसून येत आहेत. पालकांना कल इंग्रजी माध्यमाकडे असल्याने विद्यार्थ्यांच्या संख्येत घट होत आहे. विद्यार्थ्यांची घट रोखण्यााठी मुंबई महापालिकेने मुंबई पब्लिक स्कूलच्या माध्यमातून इंग्रजी माध्यमांच्या शाळा सुरू केल्या. त्यालाही विद्यार्थ्यांचा चांगला प्रतिसाद मिळत आहे. परंतु सध्या अनेक पालकांचा कल हा सीबीएसई व आयसीएसई शाळांकडे असून खिशाला परवडत नसतानाही ते आपल्या पाल्याच्या उज्ज्वल भविष्यासाठी केंद्रीय बोर्डाच्या शाळांची वाट धरत आहेत. त्यामुळे मुंबई महापालिका प्रशासनाने पालिकेच्या शाळांमध्ये सीबीएसई व आयसीएसई शाळा सुरू करण्याचा निर्णय घेतला आहे. त्या संदर्भातील प्रस्तावाला शिक्षण समितीच्या बैठकीत मंगळवारी मंजुरी देण्यात आली.

सीबीएसई बोर्डाची शाळा पालिकेच्या अंधेरी पूर्वेकडील पूनमनगर मनपा शाळामध्ये तर आयसीएसई बोर्डाची शाळा माटुंगा पश्चिमेकडील वूलन मिल मनपा शाळेमध्ये सुरू करण्याचा निर्णय घेतला आहे. दोन्ही बोर्डांच्या शाळा या सध्या प्रायोगिक तत्त्वावर चालवण्यात येणार आहेत. त्यानुसार दोन्ही शाळांमध्ये ज्युनियर, सिनियर केजी पहिली ते सहावीचे वर्ग २०२०-२१ या शैक्षणिक वर्षात सुरू करण्याचे प्रस्तावित आहे. केंद्रीय बोर्डांच्या शाळांमध्ये सह शालेय उपक्रम, मार्गदर्शक तत्त्वे, मूल्यमापन पद्धत राबवण्यात येणार आहे. तसेच, या शाळेतील शिक्षकांना संबंधित बोर्डाकडून प्रशिक्षण देण्यात येणार आहे.

अशी असेल प्रवेश प्रक्रिया

सीबीएसई व आयसीएसई बोर्डाच्या शाळांची प्रवेश प्रक्रिया राबवण्यासाठी वर्तमानपत्रातून जाहिरात देण्याबरोबरच परिसरात बॅनर लावण्यात येणार आहेत. यात विद्यार्थ्यांना लॉटरी पद्धतीने प्रवेश दिले जाणार आहेत. पालिकेच्या अन्य शाळांना देण्यात येणाऱ्या सुविधा केंद्रीय बोर्डाच्या शाळेतील विद्यार्थ्यांना दिल्या जातील. त्याचप्रमाणे केंद्रीय बोर्डाकडून आकारल्या जाणार्‍या शुल्काची तरतूद शिक्षण विभागाकडून करण्यात येणार आहे.

केंद्रीय शाळांसाठी शिक्षक भरती

मुंबई महापालिकेमध्ये सध्या १२,१८३ पदापैंकी ४,०१७ शिक्षकपदे रिक्त आहेत. त्यातील प्रादेशिक भाषेतील शाळांची ३,१५२ पदे रिक्त आहेत. या रिक्त पदांची भरती पालिकेच्या इंग्रजी व एमपीएस माध्यमांच्या पदांमध्ये वर्ग करून केली जाईल. या भरतीतील शिक्षक केंद्रीय शाळांसाठी उपलब्ध करून देण्यात येणार आहेत. अनुदानित शाळांमधील अतिरिक्त कर्मचार्‍यांचे या शाळांमध्ये समायोजन करण्यात येईल.

सौर्स : मटा


अन्य महत्वाचे जॉब्स !!

१० वी पास उमेदवारांसाठी जॉब्स१२ वी पास उमेदवारांसाठी जॉब्स
पदवीधर उमेदवारांसाठी जॉब्सपदव्युत्तर उमेदवारांसाठी जॉब्स
बँक जॉब्सइंजिनिअरिंग जॉब्स
अपंग उमेदवारांसाठी जॉब्सITI पास उमेदवारांसाठी जॉब्स
खाजगी जाहिरातसरकारी जाहिराती
वैद्यकीय जाहिरातरेल्वे जाहिराती

Leave A Reply

Your email address will not be published.

लास्ट डेट आहे : ४५ जागा-पुणे महानगरपालिका भरती २०२० | ३० पद –NHM सोलापूर २०२० | महाबीज अकोला भरती २०२० | CGHS पुणे भरती २०२०
MahaBharti.in      |        डाउनलोड महाभरती अँप