निर्माण झालेल्या या वादामुळे विनाकारण नवीन विद्यार्थ्यावर याचा परिणाम होतो व त्यामुळे त्यांची संधी जाते. म्हणून, कित्येक वर्ष विद्यार्थी अभ्यास करीत असतात कधीतरी संधी येते आणि अशा मार्गाने जात त्याचा उपयोग नसल्याची भावना विद्यार्थ्यांमध्ये होती. त्यामुळे आयोगाने यामध्ये लक्ष घालून विद्यार्थ्यांना पदासाठी प्राधान्य देण्याचे पर्याय ठेवले पाहिजे अशी मागणी विद्यार्थ्यांकडून होत होती.

आयोगाच्या संकेतस्थळावर महाराष्ट्र वनसेवेच्या मुलाखत कार्यक्रम जाहीर केला आहे. पण, त्या यादीमध्ये राज्यसेवा परीक्षेतून गट ‘ब’ या पदावर निवड झालेले बरेच उमेदवार आहेत. सदर उमेदवारांनी वनसेवा परीक्षेसाठी गट ‘अ’ आणि गट ‘ब’ अशा दोन्ही पदांचे पसंतीक्रम दिले आहेत. पण, आता त्यांच्या इच्छानुसार ते  फक्त वनसेवेतील गट ‘अ’ पदाकरिता पसंतीक्रम देऊ शकतात. यामुळे ‘या’ झालेल्या बदलाने उमेदवाराची दोन पदांवर निवड होऊ शकणार नाही आणि अन्य उमेदवारांवरती संधी मिळणार असल्याने विद्यार्थ्यांकडून महाराष्ट्र लोकसेवा आयोगाच्या या निर्णयाचे स्वागत होत आहे.