महापालिका कर्मचाऱ्यांना सातवा वेतन?

7th Pay Commission to Mahanagarpalika Employees

नवी मुंबई महापालिकेचे कर्मचारी व अधिकारी तसेच परिवहन सेवेचे अधिकारी व कर्मचाऱ्यांसाठी लवकरच सातवा वेतन आयोग लागू होण्याची चिन्हे आहेत. आमदार गणेश नाईक यांनी नुकत्याच झालेल्या अधिवेशनादरम्यान नगरविकास खात्याच्या प्रधान सचिव मनिषा म्हैसकर यांच्याशी नवी मुंबई महापालिकेच्या प्रलंबित मागण्या पूर्ण करण्याबाबत चर्चा केली होती. त्यानुसार महापौर जयवंत सुतार यांच्या नेतृत्वाखाली श्रमिक सेनेचे अध्यक्ष डॉ. संजीव नाईक, महापालिकेचे वरिष्ठ अधिकारी यांनी सोमवारी प्रधान सचिव मनिषा म्हैसकर यांची भेट घेतली. यावेळी प्रधान सचिव म्हैसकर यांनी मागण्यांना तत्वत: मान्यता दिली. त्यानुसार येत्या महिनाभरात सातवा वेतन आयोग लागू होईल.

महापालिकेच्या सर्वसाधारण सभेने सातव्या वेतन आयोगाला मंजुरी दिल्यानंतर महापालिका प्रशासनाने या संबधी राज्य सरकारकडे पाठविलेला प्रस्ताव सरकार मंजुरीच्या प्रतीक्षेत होता. नवी मुंबईच्या प्रगतीत महापालिका तसेच परिवहनचे कर्मचारी आणि अधिकारी यांच्या सेवेचे मोठे योगदान आहे. आतापर्यंत अनेक प्रतिष्ठेचे राज्यस्तरीय आणि राष्ट्रीय पुरस्कार नवी मुंबईला प्राप्त झाले असून त्याचे श्रेय त्यांच्या परिश्रमाला जाते. त्यामुळे त्यांच्यासाठी सातवा वेतन आयोग लागू करण्याची सूचना आमदार गणेश नाईक यांनी महापालिकेतील पदाधिकाऱ्यांना दिली होती.

श्रमिक सेनेनेदेखील या मागणीसाठी पाठपुरावा सुरू ठेवला होता. महापालिका प्रशासनाने सरकारच्या नगरविकास खात्याकडे सातवा वेतन आयोग लागू करण्यास पालिकेला मंजुरी देण्यासाठी पत्र पाठविले होते, मात्र सरकार दरबारी पालिकेच्या या संबंधीचा प्रस्ताव प्रलंबित होता. सोमवारी महापौर सुतार, माजी खासदार डॉ. संजीव नाईक, पालिकेचे अतिरिक्त आयुक्त रवींद्र पाटील, उपायुक्त किरणराज यादव, लेखा व वित्त अधिकारी धनराज गरड यांच्या शिष्टमंडळाने प्रधान सचिव म्हैसकर यांनी भेट घेतली.

सातवा वेतन आयोग लागू करणे, कर्मचारी भरती आकृतीबंधाला मंजुरी देणे आणि कर्मचारी पदोन्नतीस मान्यता देणे या महत्त्वाच्या प्रलंबित मागण्या मान्य करण्याची मागणी म्हैसकर यांच्याकडे करण्यात आली. म्हैसकर यांनी त्याबाबत सकारात्मक भूमिका घेत मागण्या तत्वत: मान्य केल्या. तसेच येत्या महिनाभरात या मागण्यांना अंतिम मान्यता मिळणार आहे. स्वच्छ सर्वेक्षणात राज्यात आणि देशात नवी मुंबईला वरचे स्थान मिळण्यात महापालिकेचे कर्मचारी आणि अधिकाऱ्यांच्या परिश्रमाचा महत्त्वाचा वाटा असतो. त्यांच्यासाठी सातवा वेतन आयोग आणि अन्य मागण्यांच्या पूर्ततेबाबत प्रधान सचिव मनिषा म्हैसकर यांनी सकारात्मकता दर्शवली असून लवकरच या मागण्या मार्गी लागतील, असे महापौर जयवंत सुतार यांनी सांगितले.

म. टा.


अन्य महत्वाचे जॉब्स !!

१० वी पास उमेदवारांसाठी जॉब्स१२ वी पास उमेदवारांसाठी जॉब्स
पदवीधर उमेदवारांसाठी जॉब्सपदव्युत्तर उमेदवारांसाठी जॉब्स
बँक जॉब्सइंजिनिअरिंग जॉब्स
अपंग उमेदवारांसाठी जॉब्सITI पास उमेदवारांसाठी जॉब्स
खाजगी जाहिरातसरकारी जाहिराती
वैद्यकीय जाहिरातरेल्वे जाहिराती

Leave A Reply

Your email address will not be published.

लास्ट डेट आहे : ४५ जागा-पुणे महानगरपालिका भरती २०२० | ३० पद –NHM सोलापूर २०२० | महाबीज अकोला भरती २०२० | CGHS पुणे भरती २०२०
MahaBharti.in      |        डाउनलोड महाभरती अँप