झेडपीच्या शाळांत ६११ पदे रिक्त

611 posts vacant in ZP schools

सर्वाधिक संख्या नांदगाव, मालेगाव, येवला, सुरगाण्यात

नाशिक : जिल्हा परिषदेच्या शाळांत शिक्षकांची ६११ पदे रिक्त असल्याची माहिती समोर आली आहे. नांदगाव तालुक्यातील नवे पांझण येथे शिकवायला शिक्षक नाही म्हणून पंचायत समितीवर मंगळवारी विद्यार्थ्यांनी मोर्चा काढला होता. त्यामुळे रिक्त शिक्षकांच्या पदांचा विषय पुन्हा चर्चेत आला आहे. जिल्ह्यात जिल्हा परिषदेच्या ३,३८५ शाळा असून, चार लाखांच्या आसपास विद्यार्थी येथे शिक्षण घेतात. मात्र, प्रत्येक तालुक्यात रिक्त शिक्षकपदाची बोंब आहे. विशेष म्हणजे मालेगाव, येवला, नांदगाव व सुरगाणा तालुक्यात रिक्त शिक्षकांच्या पदाची संख्या ८० च्या आसपास आहे.

जिल्ह्यात ११ हजार ७९९ शिक्षकांची मंजूर पदे आहेत. त्यात ११ हजार १८८ शिक्षक कार्यरत आहेत. यात ६११ शिक्षकांची पदे रिक्त आहेत. जिल्हा परिषदेच्या प्राथमिक शिक्षक विभागाने एक जानेवारी रोजी एकत्रित केलेल्या माहितीत तालुकानिहाय मंजूर पदे व कार्यरत पदे यांचा तपशील दिला आहे. त्यात सर्वाधिक शिक्षकांची पदे नांदगाव तालक्यात असून, त्याची संख्या ८३ आहे. या तालुक्यासाठी ७१४ पदे मंजूर आहेत; पण केवळ ६३० शिक्षक येथे कार्यरत आहेत. नांदगावखालोखाल मालेगाव तालुक्यात हीच स्थिती आहे. येथे ८३ पदे रिक्त आहेत. तालुक्यात ११८९ शिक्षकांची पदे मंजूर असून, ११०६ पदे कार्यरत आहेत. सुरगाणा तालुक्यातही ८०, तर येवला तालुक्यात ७८ शिक्षकांची पदे रिक्त आहेत. तालुकानिहाय रिक्त शिक्षकांच्या पदात सर्वाधिक कमी दिंडोरी तालुक्यात १०, तर नाशिक तालुक्यात १४ पदे रिक्त आहेत.

तरी ६११ पदे रिक्त

२०१२ नंतर शिक्षकभरती बंद झाल्यामुळे मोठ्या प्रमाणात रिक्त पदे होती; पण सप्टेंबर २०१७ नंतर ही बंदी उठवली. त्यानंतर जिल्ह्यात २०२ शिक्षक रुजू झाले. त्यानंतर अनुकंपा तत्त्वावरील भरती व आंतरजिल्हा बदलीतून बरेच शिक्षक मिळाले. त्यामुळे जून २०१९ मध्ये असलेली ११०० रिक्त पदांची संख्या कमी झाली. मात्र, आजही ६११ पदे रिक्त आहेत.

ऑनलाइनमुळे अधिकार नाहीत

शिक्षकांच्या बदल्या नेहमी चर्चेचा विषय होतो; पण आता ऑनलाइन पद्धतीने त्यांच्या बदल्या होत असल्यामुळे त्याचे अधिकार प्रशासनाकडे नाहीत. त्यामुळे एखाद्या जागेवर शिक्षकांची संख्या कमी असली तरी तेथे तातडीने हे पद भरता येत नाही. त्यामुळे ही अडचण प्रशासनाची डोकेदुखी आहे. आंतरजिल्हा बदलीनंतर किंवा बडतर्फ शिक्षकाला रुजू करताना ही पदे भरता येणार आहेत. ही ऑनलाइन पद्धत २७ फेब्रुवारी २०१७ पासून सुरू झाली आहे.

सरकार कसे करणार

सरकारी शाळेत शिक्षणाचा दर्जा उंचावा, यासाठी राज्य सरकारचे एकीकडे प्रयत्न सुरू असले तरी दुसरीकडे शिक्षकच नसेल तर हा दर्जा कसा सुधारणार, हा प्रश्न आहे. दिल्लीच्या निवडणुकीत शाळांचा दर्जा सुधारल्याचा परिणाम दिसला. हा परिणाम महाराष्ट्रात दिसावा, यासाठी सरकार कसे करणार, हा प्रश्न आहे.

मुलांना चांगले शिक्षण मिळायला हवेच. त्यासाठी शिक्षकांची गरज आहे; पण रिक्त पदे भरण्याचा अधिकार जिल्हा परिषदेला नाही. त्यामुळे राज्य सरकारकडे ही रिक्त पदे भरून नवीन शिक्षकांची भरती करावी, अशी मागणी केली आहे. त्याचा पाठपुरावा सुरू आहे.

– बाळासाहेब क्षीरसागर, अध्यक्ष, जिल्हा परिषद

शिक्षकांची रिक्त पदे

तालुका – मंजूर पदे – कार्यरत पदे – रिक्त पदे

  1. बागलाण – ९३८- ९१२- २६
  2. चांदवड – ६६१- ६२५-३६
  3. देवळा – ४२३-४०२- २१
  4. दिंडोरी – ९४२- ९३२- १०
  5. इगतपुरी – ८९९- ८७२- २७
  6. कळवण – ६४९- ६३१- १८
  7. मालेगाव – ११८९- ११०६- ८३
  8. नांदगाव – ७१४- ६३०- ८४
  9. नाशिक – ५२२-५०८- १४
  10. निफाड – ९९९- ९५३- ४६
  11. पेठ – ५९३- ५६८-२५
  12. सिन्नर – ७८७-७६१-२६
  13. सुरगाणा – ८९९-८१९- ८०
  14. त्र्यंबकेश्वर -७४९-७१५- ३४
  15. येवला – ८२६- ७४८-७८
  16. पब्लिक स्कूल व कन्याशाळा -९-६ -३

एकूण – ११७९९- १११८८-६११

सौर्स : मटा

अन्य महत्वाचे जॉब्स !!

१० वी पास उमेदवारांसाठी जॉब्स१२ वी पास उमेदवारांसाठी जॉब्स
पदवीधर उमेदवारांसाठी जॉब्सपदव्युत्तर उमेदवारांसाठी जॉब्स
बँक जॉब्सइंजिनिअरिंग जॉब्स
अपंग उमेदवारांसाठी जॉब्सITI पास उमेदवारांसाठी जॉब्स
खाजगी जाहिरातसरकारी जाहिराती
वैद्यकीय जाहिरातरेल्वे जाहिराती

Leave A Reply

Your email address will not be published.

MahaBharti.in      |        डाउनलोड महाभरती अँप